Habemus Papam

13 -03 – 2013

E’ bianca la fumata! Si sciugghiu la campaniata!
E la fudda riri e chianci tuttu ‘nzemi,
sunnu uri c’aspetta sutta l’acqua e all’in peri!
Poi lu ” nunziu” si prisenta, p’annunciari lu” gaudiu magnu”,
e arristamu titubanti, picchì u nomu sona straniu fra li tanti!
Ma na vuci, cu tonu sibbillinu, grira forti:- Lu papa è Argintinu ! –
E poi, diliriu addiventa l’emozioni, quannu alfini,
s’affaccia a lu balcuni!
Ca manu nni saluta e a tutti pari, ca nnì voli accarizzari!
E subbitu è simpatia e granni attimusfera, quannu rici :
– Frati e soru , bonasera! –
Lu sentinu ” u palarinu” ri li poviri e di l’afflitti,
è umili, discretu e nun ama lussu,
e sapi fari amarisi ri tutti!
Grazzi, Spiritu Santu, pu lavuru chi facistivu,
di fàrini aviri arreri e prestu un “Santu Patri”!
Aiutalu, pruteggilu e biniricilu nnà tuttu chiddu
cà avi ri fari…., e ri la “Santa matri chesa”
pozza essiri u novu voltu e lu granni orgogliu!
Benvinutu, Francescu!
Benvinutu, Papa Bergogliu!