Li vraccoca di Brannu

 di Angolo Poesie

Uno degli aspetti più crudeli dell’emigrazione penso sia l’impossibilità di godersi i frutti della propria terra. Un tempo li vedevo crescere, li raccoglievo, li consumavo. Era un rituale di comunione con la terra in cui se ne consumavano i frutti per diventare parte di essa. Adesso che sono senza terra e senza frutti mi sento più povero di prima.

 

 

 

 

Eh pinsari ca a Brannu haiu li beddi vraccoca

ca a talialli mi veni a peddi d’oca

 

Eh pinzari ca li vraccoca s’hannu a sfari

e iu nun mi l’ha putiri manciari

 

picchì travaggiu luntanu da me terra

e m’arricampu sulu nt’austu pi la fèra

 

Chistu è lu distinu riu

c’appena scinnu iu vraccoca nunni viu !!

  

Ccà li vraccoca s’accattanu a sangu di papa

e a Brannu su muzzicati di la lapa

 

poi cadinu n’terra…. si cuminanu minnitti

e si l’allapatìanu li zappagghiuna e li muschitti

 

Chista fu na sorti a malumodu

ca li frutti di la terra iu nun mi li godu

 

Ccà m’accattu li cosi a pisu d’oru

mentri a Brannu si sfà lu pumadoru !!

 

Si sfannu li pruna, si sfannu li vraccoca

e iu sugnu ccà ca chianciu n’atra vota

 

ddà l’arbuli su carrichi e pinnulianu li rami

e io sugnu ccà a chianciri la fami!

 

di Ezio Spataro