Metafura a pruverbi: Lu traviatu

di Angolo Poesie

___
Fussi ca fussi la vota bona,
ca lu bon giornu, si viri la matina!
Tantu li guai ri la pignata,
li sapi la cucchiara ca l’arrimina,
e t’avianu avvisatu,ca la vutti
si sparagna quannu è china!
Vabbè co lupu perdi u pilu
e no lu viziu,
ma ricia un tiziu:
– l’omu pa parola e u voi pi li corna,
e s’è di razza,sempri torna! –
Allura, l’arrustu ca nun ti tocca,
lassalu abbruciari,
tantu ci nné ri pisci nnà lu mari
distinati a cù si l’ha manciari!
E nunn’è mortu,
cu stu cuntu avi a pagari!!