Poesia: Chiesa Matri

di Angolo Poesie*

Chesa matri, casa granni e casa nostra!
La tò facciata rosa è sempri la prima cosa
chi viremu ri luntanu
quannu, ri fora, o paisi turnamu,
e ri ddà supra ru tò chianu, cu maternu amuri,
tuttu lu domini e lu pruteggi!
Sutta stù tettu binirittu,
avemu ricivutu ogni cristianu sacramentu.
A lu sacru fonti, tutti vinemu vattiati,
e peri ri l’altaru amu statu cuminicati,
crisimati e maritati, e a tanti chi nn’hannu pricirutu,
ci fu ddatu l’ultimu salutu!
Ma chiddu chi nnì ‘nfunni
cchiù firucia e cchiù curaggiu,
è la vista ri l’immensu “Patri Eternu”,
ca cu so sguardu e li vrazza spalancati,
pari ca nnì vulissi diri :
– Viniti, figghi mei, vi vogghiu teniri a mia,
tutti abbrazzati !