Poesia a San Giuseppi

di Angolo Poesie

 

Un vastùni signàu u tò destinu

picchì Diu ti vosi patri di sò Figghiu,

addivintasti di Maria u sò cumpagnu

pi èssiri ‘nsemmula ‘nta stu munnu.

 

All’Ancilu crirìsti, comu Maria,

e cù Idda addivintastivu famigghia

nascennu ‘nta la rutta u Bambineddu

ca fù quarìatu di lu voi e di lu sciccareddu.

 

Pi u munnu cominciau la vera storia

u nnè chi l’omu s’intisi veru figghiu

di un Patri chi lu vòsi pirdunàri

e picchissu a so Figghiu nni vòsi mannàri.

 

Pacenzia nn’avisti veramènti tanta

scappannu pi proteggiri stu Figghiu

ca puru ‘ca guai nnì passàsti tanti

a sta famigghia nun ci facìsti mancàri nenti!

 

E pi li tò meriti terreni, Diu

ti vòsi risparmiàri un gran dulùri

di viriri stu Figghiu crucifissu

chi murennu a Maria affidàu la sò Chiesa.

 

L’Umanità unanimi capìu

chi omu santu e giustu fù Giuseppi

tantu d’èsseri ancora veneratu protetturi

di l’artigiani e di la santa morti.

 

di Saverio La Paglia

19 Marzo 2014