Discursu a li picciotti
Dicitimi cu è chi cridi
ca ‘u munnu po’ canciàri,
jisassi la manu, pi piaciri,
c’è bisognu d’un s’ammucciàri.
Ascutati nzoccu dici dda genti senza spiritu
comu un lumiuni musciu:
dici ‘na nuci dintra un saccu
nun ha mai fattu scrusciu.
Ma talìati quantu siti…
cuntativi, siti un numaru ca fa scantari,
pinsati dintra ddu saccu
chi vucciria putiti fari.
Sulu cu ‘na vuci putenti
putiti mettiri suttasupra lu munnu,
a cu penza nun cància nenti
dimustrati ca si po’ acchianari di lu funnu.
La mafia si po’ battiri,
la giustizzia po’ triunfari,
chistu scrivitivillu ‘n testa
semu nati pi luttari!
Lu Terzu Munnu nun esisti
pirchì ‘u munnu è sulu unu,
semu frati nta ‘sta terra
lu suli spunta a ogn’agnuni.
Allura, chi faciti?
Susìtivi e ‘nsemmula muvìtivi
cu ‘na bannera di milli culura
dimustrannu a tutti ca siti vivi!
Jisati la manu pi diri iu vogghiu canciàri
ma nun tinìtimi sutta scaccu
pirchì ‘sta puisia senza vuatri
è ‘na nuci dintra un saccu.
Francesco Ferrante
Discorso ai ragazzi
Ditemi chi è che crede / che il mondo può cambiare, / alzi la mano, per piacere, / c’è bisogno di non nascondersi. / Ascoltate cosa dice quella gente senza spirito / come un limone moscio: / dice una noce dentro un sacco / non ha mai fatto rumore. / Ma guardate quanti siete… / contatevi, siete un numero che fa paura / pensate dentro quel sacco / che baccano potete fare. / Soltanto con un urlo potente / potete mettere sottosopra il mondo / a chi pensa non cambia niente / dimostrate che si può risalire dal fondo. / La mafia si può battere, / la giustizia può trionfare, / questo scrivetevelo in testa / siamo nati per lottare! / Il Terzo Mondo non esiste / perché il mondo è solo uno / siamo fratelli in questa terra / il sole spunta in ogni angolo. / Allora, cosa fate? Alzatevi e insieme muovetevi / con una bandiera di mille colori / dimostrando a tutti che siete vivi! / Alzate la mano per dire io voglio cambiare / ma non tenetemi sotto scacco / perché questa poesia senza voi / è una noce dentro un sacco.