Dda stidda ca curri

di Angolo Poesie

 

Tanti sunnu li stiddi ‘nta lu celu ‘nchiuvati,

ma li chiù beddi sunnu chiddi carenti

ca li disii attrovanu  ‘nta li cori di la genti;

cu iddi ci parranu li chiu esasperati,

 

ca di la vita nunn’hannu li surrisi

e cercanu ‘nta da luci ca lu celu scuarcia,

la spiranza di attruvari la torcia

ca illumina la strata di surprisi.

 

Cu l’amuri, cu li gioii, cu li ricchizzi

addumanna a dda stidda ca curri.

Ma ti fa vecchiu e la to vita scurri,

lu tempu passa e si perdinu li biddizzi

 

e tu ancora dda aspetti dda stidda carenti

ca oltri a so biddizza un ti lassò nenti.

Davide D’Alessandro