Poesia: Spiranza

di Angolo Poesie

L’ura prima ca spunta u suli,
du amanti ca aspettanu r’arristari suli;
è sentiri u ciavuru ri ‘na torta,
mentri torni a casa e sta rapennu a porta,
è manciarisilla sulu sintennu u ciavuru;
è u friscu ra sira dopu na iurnata ri cavuru.
Sunnu l’occhi ri cu ti voli beni,
ri cu a tia veramenti ci teni.
Spiranza è sta Terra Mia ca pari sicca,
ma chi si la zappi e la simini la vidrai ricca.
Spiranza è un cocciu ri simenza,
è to matri ca sempri a tia penza.