Poesia “Vogghiu sunnari” di Giusy Magione: 2° Classificata Premio “Domenico Portera”
La poesia “Vogghiu sunnari” di Giusy Magione recitata durante il 2° Simposio di Poesie “Ad una rima dall’Agorà” evento della manifestazione Rural Day 2016 è stata premiata al IX Premio Letterario Nazionale “Domenico Portera” per la sezione Poesia Dialettale
Di seguito il riconoscimento della giuria con la motivazione del Premio:
Poesia: Vogghiu sunnari
E viru ddu jornu
lu toccu cu manu
u suli si isava
agghiurnannu lu criatu
asciucava a friscura da nuttata
l’arvuli avianu misu li so ciuri
e lu celu nettu di negghi
s’inchìa di jocura e cantu d’aceddi
e vitti un principi
‘ncapu un cavaddu
e u cori parsi subbitu ‘mpazziri
mi taliava comu fussi a so reggina
I so carizzi eranu ali di farfalli
i so vasati cirasi duci
comu mai n’avia tastatu
l’occhi eranu chini di disìu
e giurammu eternu amuri
cu la binirizioni di nostru Signuri.
Vularu li jorna a ruzzuluni
e u tempu cuminciò a canciari
arrivà furtura e scrusciu d’acqua
e si purtaru via i me sonni e li spiranzi
I so carizzi ora mascarianu li me carni
i so vasati sannu di feli
e ‘ntussìcanu l’arma
l’occhi mè nun sannu cchiù giuìri
vagnanu stu lettu
ca pari chinu e spini
sentu lu so sciatu a me latata
dormi omu trarituri
lassami stari
vogghiu dormiri e sunnari!
cercu ddu principi
ca un jornu mi fici ‘nnamurari.
