Angolo Poesie: “Spiranza” di Davide D’Alessandro

Spiranza

 

L’ura prima ca spunta u suli,

du amanti ca aspettanu r’arristari suli;

è sentiri u ciavuru ri ‘na torta,

mentri torni a casa e sta’ rapennu a porta,

è manciarisilla sulu sintennu u ciavuru;

è u friscu ra sira dopu na iurnata ri cavuru.
 

Sunnu l’occhi ri cu ti voli beni,

ri cu a tia veramenti ci teni.

Spiranza è sta Terra Mia ca pari sicca,

ma chi si la zappi e la simini la vidrai ricca.
 

Spiranza è un cocciu ri simenza,

è to matri ca sempri a tia penza.

di Davide D’Alessandro