Poesia al SS. Crocifisso “Padre di Grazie”

di Angolo Poesie*

Pina Maria Scibetta, sul proprio profilo Facebook scrive: “Le parole da dedicare al nostro Padre delle grazie non sono mai abbastanza e non riusciranno mai ad esprimere del tutto questo amore potente che ci lega a lui. Queste sono le mie, sperando anche solo in minima parte di aver descritto ciò che si prova in quei momenti.

È tutto nivuru e nicareddu.

Avi i vrazza longhi e fini fini,

Unu ca un canusci sta storia ri granni firi, po’ pinsari ca è un difettu.

E inveci, secunnu mia, i manu ri cu u fici foru guirati ri so patri.

U patri eternu.

‘Ddi vrazza servinu p’ abbrazzari a tutti.

I boni, i tinti,

i persi, i scurdati,

i sani, i malati.

E so occhi semu tutti uguali.

Ogunu cu i so guai.

E tutti taliamu a ‘dda cruci.

A taliamu cu l’occhi chini e u cori ‘nfrantu.

Tantu mali ci ficimu ma l’amuri tuttu perdona e addiventa incantu.

A prima ruminica ri maggiu

scinni menzu a nuatri.

E un si po’ spieari ma ni veni o rintra

un forti curaggiu.

Cu in silenziu ci addumanna una razia,

cu, a ran vuci.

Un coru ri prieri e canti si isa.

E cielu e terra na ‘ddi minuti si iuncinu

e addiventanu una sula cosa.

Pari un prudigiu.

I campani sonanu a festa.

Un raggiu ri suli s’affaccia e

una farfalla si fa viriri tra i banchi ra chiesa.

U mericu ri tutti i malati è ca.

Ancora na vota, a ricordarini ca suli

un semu nenti.

Un putemu nenti.

*di Pina Maria Scibetta